Met sy bont kleure, gebruikersvriendelike uitleg en prettige ontwerp is die Suidoosterfees se webwerf, www.suidoosterfees.co.za, ’n ware fees vir die oog.
Active Ice Digital Media Studio het die spoggerige webwerf, asook die feesprogramboekie, ontwerp en boonop die Suidoosterfees-webwerf vir ’n Awwward-toekenning ingeskryf. Nou pryk www.suidoosterfees.co.za as benoemde op www.awwwards.com.
”Die Suidoosterfees-webwerf is iets waarop almal kan trots wees,” sê Sean Leask, ’n digitale media-ontwerper by Active Ice wat by die Suidoosterfees-webwerf se ontwikkeling en instandhouding betrokke is. ”Dis kleurvol, opwindend en beslis die moeite werd om te besoek.”
Awwwards gee erkenning aan wêreldwye webwerf-ontwerpe. Luidens die webwerf sal ’n internasionale paneel, bestaande uit ontwerpers, bloggers en Internet-agentskappe, elke benoemde webwerf evalueer en punte gee in terme van ontwerp, kreatiwiteit, hoe gebruikersvriendelik dit is en hoe die inhoud aangebied word.
Die beste webwerwe word die ”site of the day” en sal in die boek The 365 best css websites around the world ingesluit word.
Gaan na http://www.awwwards.com/best-websites/suidoosterfees om vir die Suidoosterfeeswebwerf te stem.
· Die Suidoosterfees is van 14 tot 19 Februarie by Artscape. Besoek www.suidoosterfees.co.za, Facebook en Twitter, stuur e-pos na suidooster@media24.com of bel 021 446 1558.
